進念繼回歸第二炮隆重推出兩集小型舞台傳媒大喜劇「香港電視風雲」系列－《無線你鬧咗未？》+《亞視你睇過未？》，編導胡恩威創作兩個以香港傳媒電視史為題的喜劇，假音人陳浩峰將聯同萬能老官黃大徽、動作老生楊永德，準備隨時參選香港先生的鍾家誠，由香港的史前傳媒歷史開始，由香港的電視台歷史開始，香港第一條有線電視總共有多少條線？香港第一部電視機由誰放上eBay 拍買？余仁生同無線有何關係？狄娜第一次上電視是在何年何時何日？佳藝電視播映的《大鐵人17》總共有多少集？麗的電視劇《浮生六劫》同莎士比亞的《第十二夜》有什麼相同與不相同？教你認識香港傳媒生態，廣管局、 收視率、地積比率、影視處、收音機、電視機、乾衣機、錄影機、香港小姐、Remote Control、 奧運馬術、世界盃…….教你如何向廣管局投訴無線、亞視、有線、NOW、衛視、港台、新城、商台、麗的、佳視、教育電視、Roadshow、Youtube、PCCW、Smartone、One2Free、Facebook、新世界、CCTV、BBC、NHK、CNN、Discovery…….
總之是應有盡有，兩條Channel任玩任睇。
亞視點解好似無人睇？『同一個天空‧不一樣的美麗』亞洲小姐競選大會口號，你有冇聽過？揭開亞視慣性必敗收視之迷，化身講古佬由麗的電視講起，由有線到無線，再由無線到有線，到衛星、寬頻…….一口氣講盡香港五十年電視史，同一個天空，不一樣的結局？分析亞視＝低收視的原因，揭開亞視失敗＝香港失敗之迷。
白痴、痴線、低能、嘥時間…….人人—路睇一路鬧，鬧咗幾十年，你想點鬧無線？陳浩峰化身補習天王，同大家惡補廣播條例，教你點樣投訴無線，投訴無線將香港七百萬人師奶化，投訴無線《勁歌金曲》整殘香港樂壇，投訴無線套套劇都係嗰幾條橋三角幾何戀愛關係……. 食老本炒冷飯，借回歸劇過橋攪床上用品廣告雜誌、扭曲香港人的愛國價值。若果BBC係西方傳媒全球化嘅代表，全球華人天天睇無線嘅現像，反映緊一個點樣嘅華人精神世界？
